Paano ko maiiwasan ang mga suliraning pangkalusugan dala ng usok

From Audiopedia - Accessible Learning for All
Jump to: navigation, search

Upang mabawasan ang paglanghap ng usok:

Magluto kung saan ang hangin ay malayang nakakaikot. Kung hindi makaluto sa labas, tiyakin na mayroong kahit dalawang bintana o lagusan para sa hangin sa lugar ng pinaglulutuan. Sa ganitong kondisyon, makakalabas ang usok mula sa silid na pinaglulutuan.

Maghalinhinan sa pagluluto. Sa ganitong paraan, hindi lamang iisa ang makakalanghap ng sobrang aso.

Humanap ng paraan na makapagluto sa mas mabilis na paraan (nguni't maluluto rin ng husto ang mga pagkain). Sa ganitong paraan, hindi ka makakalanghap ng maraming usok at makakagamit ka ng mas kaunting panggatong.

Ang mga pagkain ay mas madaling maluto kung:

  • hihiwain ang mga pagkain sa mas maliliit na piraso
  • tatakpan ang kaserola or kaldero habang nagluluto
  • ibababad ang mga tuyong pagkain nang magdamagan gaya ng mga buto, bago ito pakuluan.
  • tiyakin na ang apoy ay protektado mula sa hangin. Ang mga pinagpatung-patong na bato, luad, o kaya'y yero ay maaring makatulong sa pagpapanatili ng init sa paligid ng kalan.
  • hwag paulanan ang mga kahoy na panggatong.

Gumamit ng mga kalan na hindi gaanong mausok. Ito ang pinakamainam na paraan upang maiwasan ang mga suliraning pangkalusugan dala ng usok. Maraming mabibiling kalan na hindi gaanong magastos sa panggatong at hindi gaaanong mausok. Ngunit, maaari ring makagawa ng kalan sa madaling paraan gamit ang mga bagay na matatagpuan sa paligid.

Sources
  • Burns, A. A., Niemann, S., Lovich, R., Maxwell, J., & Shapiro, K. (2014). Where women have no doctor: A health guide for women. Hesperian Foundation.
  • Audiopedia ID: fil030105