क्षयरोग भनेको के हो टि.बि
टि.बि अर्थात् क्षयरोग स-साना किटाणु वा ब्याक्टेरियाले गर्दा हुन्छ। महिलाको शरीरमा यो किटाणु छिरेपछि तिनलाई क्षयरोग लाग्छ र जीवनभरि नै लाग्न सक्छ। स्वस्थ मानिस यस रोगसित लड्न सक्छ र लगभग संक्रमण भएका १० जनामा १ जनालाई आफ्नो जीवनकालमा क्षयरोग लाग्न सक्छ।
यदि कुनै व्यक्ति कमजोर छ, कुपोषण वा मधुमेह लागेको छ, धेरै सानो वा धेरै वृद्ध छ वा एच.आइ.भि संक्रमित छ भने क्षयरोगले तिनको शरीरलाई आक्रमण गर्न सक्छ। प्रायजसो यो फोक्सोमा हुन्छ। क्षयरोगका किटाणुले तन्तुका सबै प्वालहरू खाइदिन्छ र साना रक्तनलीलाई ध्वस्त पारिदिन्छन्। शरीरले यस रोगसित लड्ने कोसिस गर्छ र ती प्वालहरू पिप र थोरै मात्रा रगतले भरिन्छन्।
उपचार गरिएन भने शरीर कमजोर हुँदै जान्छ र क्षयरोग लागेको व्यक्तिको ५ वर्षपछि मृत्यु हुन्छ। तर कुनै व्यक्तिलाई एच.आइ.भि र क्षयरोग दुवै लागेको छ र उपचार गरिएन भने उक्त व्यक्तिको केही महिनामा नै मृत्यु हुन सक्छ।