रक्तअल्पताबाट जोगिन के गर्नुपर्छ

QR for this page

• मलेरिया, परिजीवी वा जुकाले गर्दा रक्तअल्पता भएको हो भने पहिला यसको

 उपचार गराउनुहोस्।

• आइरन प्रशस्त भएको खानेकुरा भिटामिन ए र सि प्रशस्त भएका खानेकुरासितै

 खानुहोस्। यसो गर्दा शरीरले आइरन राम्ररी सोस्छ। अमिलो फलफुल र 
 गोलभेंडामा भिटामिन सि प्रशस्त हुन्छ। गाढा पहेंलो तरकारी र हरियो 
 सागपातमा धेरै भिटामिन ए हुन्छ। यदि कुनै महिलाले प्रशस्त आइरन भएको 
 खानेकुरा खान सक्दैनिन् भने तिनले आइरन चक्की खानुपर्छ।

• कालो चिया वा कफी वा अन्‍नको चोकर नखानुहोस्। शरीरले आइरन सोस्‍ने

 प्रक्रियालाई यी कुराहरूले रोक्न सक्छ।

• किटाणुले गर्दा हुने संक्रमण रोक्न सफा पानी पिउनुहोस्।
• दिशा गर्दा शौचालयको प्रयोग गर्नुहोस्। यसो गर्दा दिशामा भएका जुकाको

 अण्डा अरू खानेकुरा र पानीको मुहानमा फैलन पाउँदैन। तपाईं बस्‍ने 
 इलाकामा जुका (हुकवोर्म) लाग्‍नु सामान्य हो भने जुत्ता लगाउनुहोस्।

• एउटा बच्चा जन्माइसकेपछि अर्को बच्चा जन्माउन २ वर्ष पर्खनुहोस्। यसो

 गर्नुभयो भने तपाईंको शरीरले गर्भधारणको समयको बीचमा केही आइरन 
 सञ्‍चय गर्ने मौका पाउँछ।

Sources

• Burns, A. A., Niemann, S., Lovich, R., Maxwell, J., & Shapiro, K. (2014). Where women have no doctor: A health guide for women. Hesperian Foundation.
• Audiopedia ID: np010417