सरसफाइ गर्नाले किटाणुहरू कसरी फैलिन पाउँदैनन्

QR for this page

किटाणुहरू फैलिन नदिन र बिरामी हुनबाट बच्‍नको लागि समाज अथवा टोल सफा (स्वच्छ) राख्नु, घर सफा राख्नु र व्यक्तिगत रुपमा पनि सफा रहनु महत्त्वपूर्ण छ।

उदाहरणको लागि:

• परजीवी संक्रमित व्यक्तिले बाहिर झाडापखाला गर्छ।
• सुङ्गुरले उक्त मानिसको दिशा खान्छ।
• त्यही व्यक्तिको कुनै बच्चा सुङ्गुरसित खेल्छ र उक्त बच्चाको

  जिउमा दिशा लाग्छ।

• केही समय पछि उक्त बच्चा रुन थाल्छ र उसको आमाले आफ्नो

  स्कर्ट वा लुगाले बच्चाको फोहोर सफा गरिदिन्छिन्। उनको हातमा पनि दिशा 
  लाग्छ।

• ती आमा निकै व्यस्त भएकोले, आफ्नो हातै नधोइ खाना पकाउन थाल्छिन्। हात

 नोपोलोस भनेर आफ्नो स्कर्ट वा लुगा प्रयोग गर्छिन्, लुगा फोहोर छ भन्‍ने कुरा 
 भुसुक्कै बिर्सिहाल्छिन्।

• परिवारका सबैले खाना खान्छन्। केही बेरपछि सबैलाई पखाला लाग्छ।

यदि यस परिवारले यीमध्ये कुनै पनि सावधानी अपनाएको भए यस्तो बिमारीलाई रोक्न सकिन्थ्यो:

• उक्त व्यक्तिले दिशा गर्न शौचालय प्रयोग गरेको भए।
• सुङ्गुरलाई छाडा नछोडेको भए।
• यदि आमाले बच्चाको हात पुछिदिन आफ्नो स्कर्ट वा लुगा प्रयोग नगरेको भए

 अनि त्यसपछि खानेकुरा नछोएको भए।

• यदि आमाले आफ्नो बच्चालाई छोएपछि र खाना पकाउनुअघि आफ्नो हात

 धोएको भए। 

Sources

• Burns, A. A., Niemann, S., Lovich, R., Maxwell, J., & Shapiro, K. (2014). Where women have no doctor: A health guide for women. Hesperian Foundation.
• Audiopedia ID: np010105