Nitaamuwa vipi ikiwa nitatumia sheria

QR for this page

Maamuzi ya kutumia sheria lazima yaamuliwe vyema.

• Je, Mtu anaweza kwenda na wewe kuelezea polisi?
• Je, sheria imesaidia wanawake wengine katika jamii yako waliobakwa?
• Je, unataka ubakaji huo uwe siri? Je, maafisa wa polisi wanaweza kufanya wengine wasijue ubakaji uliofanyika?
• Je, mbakaji alikutisha kwamba atakuumiza ikiwa utaripoti kitendo hicho.
• Ikiwa mbakaji atakamatwa na unaweza kuthibitisha kwamba alikubaka, ataadhibiwa vipi?

Ikiwa unafikiri ya kwamba unataka kuripoti kisa hicho kwa polisi, fanya haraka iwezekanavyo baada ya kubakwa. Usioge kabla ya kwenda, na ubebe nguo zako kwa mfuko. Vitu hivi vinaweza kuthibitisha ya kwamba ulibakwa. Nenda na rafiki yako, na mhudumu wa afya wa kike akuchunguze, ikiwa itawezekana.

Ikiwa hutaki kwenda kwa polisi, au ikiwa huwezi kwenda hadi baadaye, muone mhudumu wa afya, hata kama hujaumizwa sana. Mwambie mhudumu wa afya ya kwamba umebakwa.

Kisha atakuangalia kama uko na mikwaruzo au umeumizwa, halafu atakupa dawa ya kuzuia mimba na maambukizi ya magonjwa ya zinaa. Mwambie aandike chini kila kitu atakachokiona kwa sababu itasaidia kuthibitisha kwa polisi au jamii kuwa ulibakwa.

Sources

• Burns, A. A., Niemann, S., Lovich, R., Maxwell, J., & Shapiro, K. (2014). Where women have no doctor: A health guide for women. Hesperian Foundation.
• Audiopedia ID: sw020315